အရူးတယောက်ရဲ့ ရင်ခုန်သံ'

မိုးရေစက်တွေအောက်မှာ
သံယောဇဉ်ကို ကြိုးတန်း
ကျွန်တော့် နှလုံးသားကို
ထုတ်လှန်းခဲ့ဖူးတယ် . . .
နေရောင်ခြည်တွေအောက်မှာ
အတိတ်တွေကို ဒဏ်ခက်
ကျွန်တော့် ပါးပြင်လေးကို
အေးမြစေခဲ့ဖူးတယ် . . .
ဆောင်းနှင်းပွင့်တွေကြားမှာ
အနာဂတ်တွေကို မီးရှို့
ကျွန်တော့် ရင်ဘက်ကြီးကို
အေးခဲစေခဲ့ဖူးတယ်. . .
ဪ . . .
အခုတော့လဲ
အချစ်တွေကို ထုတ်ခင်း
နင်းလျှောက် စေခဲ့ပြီ
အတိတ်တွေကို မေ့လျော့
ရီမောနိုင်ခဲ့ပြီ
အသဲနှလုံးကို ပြန်ဆက်
ကိုးကွယ်နိုင်ခဲ့ပြီ

မင်းမချစ်တော့တဲ့တနေ့ရောက်ရင်…

အဲဒိနေ့ကငါ့ရဲ့နေ့စဉ်မှတ်တမ်းမှာ

မရှိချင်ပါဘူး….

ငါ့..သမိုင်းမှာဆိုရင်တော့..မတွင်ရစ်ချင်ဘူး

ဒါကစေတန်ရေးတဲ့

ကျိန်စာဝါကျတွေပါ

မချစ်တော့တာဟာဆောင်းအိပ်မက်တစ်ခုထက်ပိုတဲ့

အနှုတ်လက္ခဏာတစ်ခုဖြစ်တယ်

သူ့နောက်မှာနာကျင်မှု၊ဥပေက္ခာတွေ

အစီအစဉ်တကျလိုက်ပါလာတော့မယ်

ကွေကွဲခြင်းတွေ၊၀မ်းနည်းမှု၊အထီးကျန်ဆန်မှုတွေက

ငါ့ဘေးမှာအဖော်အဖြစ်နဲ့နိဂုံးချုပ်သွားတော့မယ်

ဘယ်သူကများဒီစာမျက်နှာကို

သိရက်နဲ့လှန်ဖတ်ချင်မှာလဲ…

ပြောသာပြောရ

ဒီငါ့နောက်ကျောသိပ်မလုံချင်ဘူး

မပြောချင်ဘူး၊မသိချင်ဘူး၊မလိုချင်ဘူး

လောကဓံရဲ့ပွဲစားကျင့်ပွဲစားကြံကြောင့်

တနေ့ဒီလက်ဆောင်ငါရရင်

ခဏလေးအသက်အောင့်ပြီး

ခံစားကြည့်လိုက်ပါ့မယ်

ဏီ(န်)ကင်း

Finally.......

သတိရခြင်းတွေက ဝါညစ်ညစ်နဲ့ မှောင်ဘောင်တခုစာ ...
သိမ်းဆည်းထားတဲ့ အမှတ်တရတွေကိုထုတ်ကြည့်လိုက်တော့
ရက်လွန်သွားတာကြာပြီတဲ့။
တချိန်တုန်းက ဒဏ်ရာလေးကိုမေးကြည့်တော့လည်း ..
အိနြေ္ဒရရနဲ့ သူ...နေသားကျနေပြီတဲ့လေ။

ဆန့်ကျင်ဘက် လူ...

အများနည်းတူ မိုးခါးရေ မသောက်နိုင်သေးသရွေ့တော့
'အရူး'လို့ ပဲငါ့ကိုခေါ်ပါ။

လူတွေ.....
တစ္တေဆန်လာတဲ့....လူတွေ...
သူတို့ရဲ့ မျက်လုံး တွေကိုစာအုပ်လိုဖတ်မိတော့ ချဉ်တယ်။

ကျဉ်းမြောင်းတဲ့အမြင်တွေက အသက်ရှုကြပ်စေတယ်..
ဟန်ဆောင်ထားတဲ့အပြုံးတွေက ညှီစော်နံလွန်းတယ်...
ပုပ်သိုးနေတဲ့ မာနတွေက အော်ဂလီဆန်စရာကောင်းတယ်.....
ထိန်ချန်ထားတာတွေက ...ညစ်ပွ ချဉ်စုပ်နေတယ်.....

အဲသည်လို....အဲ့သည်လို.....
တီးတိုးစကားလေးတွေဆိုညည်းမိတော့လည်း...
သူတို့တွေက ....
ဘယ်ဘက်ရင်အုံ ဟောက်ပက်ကြီးနဲ့
အေးစက်စွာပြုံးရယ်နေကြပြန်တယ်။
ခက်တယ်.........။

ဘာပဲဖြစ်ဖြစ်ပါလေ...
ကျောက်ခင်းလမ်းမှာ အိပ်စက်လည်း
ပန်းအိပ်မက် မက်နိုင်တယ်မဟုတ်လား?

ဒီလိုနဲ့.....
အိပ်မက်တွေကို လှေအသွင်ဆောက်
မျှော်လင့်ချက်နဲ့ ရွက်လွှင့်မယ်...
ငါနဲ့ ငါ့ဖိနပ်လေးဦးတည်ရာတူရင်တော်ပါပြီ။

တောင်ပံလေး တဖက်....သို့

"We are each of us angels with only one wing,

and we can only fly by embracing each other"

(Luciano de Crescenzo)

ငါက တောင်ပံတဖက်သာ ပိုင်ဆိုင်ထားသူပါ။
လိုအပ်နေတဲ့ တောင်ပံတဖက်အတွက် နင့်ကိုငါ မျှော်နေပါတယ်။
အနားမှာ ရှိနေပေးမယ်မဟုတ်လား ?
ငါ့ရဲ့....တောင်ပံလေးတဖက်အနေနဲ့ပေါ့။

( Ž )

မျှော်လင့်ခြင်းကြယ်'

မျှော်လင့်ခြင်းဆိုတဲ့
ကြယ်လေးတပွင့်ဟာ
ကျွန်တော့်ရင်ထဲမှာ
ပျောက်ကွယ်နေတာကြာပါပြီ
* * * အကယ်၍သာ
ဆက်ပြီးမျှော်လင့်နေရင်
ကျွန်တော့်ရဲ့ မျှော်လင့်ခြင်းလေးက
ပြန်ပြီးလင်းလက်
တောက်ပ လာမှာတဲ့လား
* * * အကယ်၍သာ
ကြယ်လေးပြန်ပြီးအသက်ရှင်
လာမယ်ဆိုရင်တော့
ကျွန်တော့်မျှော်လင့်ချက်လေး
ထားချင်သေးတယ်
နောက်ဆုံးအနေနဲ့
ကျွန်တော့်ကို သူအလင်းပေးမှာပါ

သေချာပြီလား'

မိုးတိတ်သွားခဲ့တာ
သေချာသလား . . . ချစ်သူ
ကိုယ်တို့နှစ်ယောက်
ဖြတ်သန်းခဲ့တဲ့
မုတ်သုန်ရာသီကြီးက
ပြီးဆုံသွားလို့
မိုးတိတ်သွားခဲ့ပေမဲ့
ကိုယ့်မျက်ဝန်းထဲက
အခုမှ
သဲစပြုနေတယ် . . . ချစ်သူ

အချစ်ဆိုသည်မှာ.....

Source: Google

အချစ်မှာ...
မတူညီမှုတွေ.....
ခြားနားမှုတွေ....

မတူ မတန်တာတွေ...
မဖြစ်နိုင်ဘူးဆိုတဲ့ စကားလုံးတွေ....
တစ်ခုမှ.... မရှိဘူး......
မလိုအပ်ဘူးလေ....

အချစ်မှာ ....
ချစ်နေဖို့....တစ်ခုတည်း လိုအပ်တယ်။

(Ž)

Tagမယ့် ပုံပြင် (မင်းမချစ်တော့တဲ့တနေ့ရောက်ရင်....)

အဟမ်း.....အဟမ်း....
ပုံပြင်သူ ပုံပြင်သားအပေါင်းတို့...
Tag တွေခေတ်စားနေတဲ့အချိန်မှာ ပုံပြင်မှာလည်း ထူးထူးခြားခြားလေးဖြစ်ရလေအောင်....အချင်းချင်းပြန် Tag ချင်ပါတယ်။
ခေါင်းစဉ်လေးကတော့.....'မင်းမချစ်တော့တဲ့တနေ့ရောက်ရင်.... ' တဲ့။
ကိုယ့်ရဲ့ ချစ်ရတဲ့သူလေးက မချစ်တော့ရင်....ဘယ်လိုနေမယ်....ဘယ်လိုခံစားရမယ်....ဘယ်လိုတွေဖြစ်မယ်.... စသည် စသည်ဖြင့်ပေါ့လေ...
ရေးမယ့်သူက လေးယောက်ဘဲရှိတာမို့....ရှိတဲ့သူပဲရေးကြတာပေါ့နော်။

ကဲ...ကဲစပြီ....
1. ~D_D~
2. neking (ရေးပြီး)
3. *s*
4. Ž (ဟီးဟီး...နာမည်က နောက်ဆုံးမှာဆိုတော့....နောက်ဆုံးမှတင်ရင်လည်းရတယ်ပေါ့ :P )

....

အတ္တနဲ့ မာနကြားက သိုးမည်းတစ်ကောင်
မောပန်းကာ ဒဏ်ရာဗလဗွနဲ့
မာကြောခက်ထန် အပြင်ပန်းလှတော့လည်း
ထမင်းတစ်ပန်ကန်းစာအတွက်
သူ .. အချည့်အနှီးခံလိုက်ရသတဲ့။

အဖြေ

နင်ပြောဖူးတယ်နော်
“နင်အရမ်းအတာပဲ” တဲ့
ငါ … အချစ်ကြောင့် အ ချင်ယောင်ဆောင်ခဲ့တာပါ ။ ။
“နင့်အတွက် တန်ရဲ့လား”တဲ့
ငါ … အချစ်ကို တန်ဖိုးမဖြတ်နိုင်ခဲ့ပါဘူး ။ ။
“နင်ဘာတွေ ဖြစ်စေချင်တာလဲ” တဲ့
ငါ … နင့်ရဲ့ အရာရာ ဖြစ်ချင်ခဲ့တာပါ ။ ။
“နင်သေသေချာချာ စဉ်းစားပါ” တဲ့
င့ါ … နှလုံးသားနဲ့ ဦးနှောက် ထပ်တူညီ ဖြစ်ခဲ့ပါတယ် ။ ။
“နင့်ဘက်က ဆုံးရှုံးမှုတွေများပါတယ်” တဲ့
ငါ … အနိုင်အရှုံးတွေမှာ မပျော်မွှေ့တတ်ခဲ့လို့ပါ ။ ။
“နင့်ကို သနားတယ်” တဲ့
ငါ … မမေ့နိုင်မဲ့ ပျော်ရွှင်ခြင်းတွေ ပိုင်ဆိုင်ခွင့် ရခဲ့ပါတယ် ။ ။
“နင် ငါ့ကိုမေ့လိုက်ပါတော့” တဲ့
ငါ … အခုထက်ထိကြိုးစားနေပါတယ် ။ ။ ။

Hope

အချစ်ဦးလည်း မဖြစ်နိုင်တော့ဘူး.....
အချစ်ဆုံးလည်း မဖြစ်နိုင်တော့ဘူး.....
ဒါပေမယ့်.... တနေရာစာလေးအတွက်တော့
ငါ....ပေကပ်ကပ်လေး ရပ်စောင့်နေမိသေးတယ်။

အိပ်မက်...တံငါ

သူက....
ကျွန်တော့်ရဲ့အိပ်မက်တွေကို ပိုက်ကွန်နဲ့ဖမ်းချုပ်ချင်သတဲ့။
အဲဒါ....ကျွန်တော်ချစ်တဲ့ကောင်မလေးပေါ့......
တခါတလေတော့လည်း....သူက 'တံငါ' ဆန်ချင်နေပြန်ရော။

မသေချာသော လိုအပ်ချက်များ

ကြယ်လေးတွေကြွေတိုင်း ဆုတောင်းမိတာ
အချစ်သစ် မဟုတ်ဘူး
ဖြူစင်တဲ့ ရင်ခုန်သံလေး တစ်ခုပါ ။ ။ ။
နေရောင်ခြည်လေးတွေ ဖြာကျတဲ့အခါ
ခံစားချင်တာ အချစ်မဟုတ်ဘူး
သံယောဇဉ်လေး တစ်ခုပါ ။ ။ ။
တိမ်တိုက်လေးတွေ လွင့်ပါးသွားတဲ့အခါ
ပျောက်ကွယ်သွားတာ အချစ်မဟုတ်ဘူး
မျှော်လင့်ချက်လေးတွေပါ ။ ။ ။
သစ်ရွက်လေးတွေ ကြွေကျတဲ့အခါ
နှမြောတမ်းတမိတာ အချစ်မဟုတ်ဘူး
ကြွေကျခဲ့တဲ့ နှလုံးသားလေးကိုပါ ။ ။ ။
စမ်းချောင်းလေး စီးဆင်းသွားတဲ့အခါ
မြောပါသွားတာ အချစ်မဟုတ်ဘူး
ဘ၀လေးတစ်ခုပါ ။ ။ ။
လေစိမ်းတိုက်တဲ့ အခါ
ရင်ထဲ လှိုက်ခါသွားစေတာ အချစ်မဟုတ်ဘူး
အိမ်မက်လေးတစ်ခုပါ ။ ။ ။

လူလိမ္မာ

ခေါက်ရိုးကျိုး နင့်ရဲ့ဆုံးမစကားတွေကြောင့်
ဆေးလိပ်အစား ပီကေဝါးတယ်
အရက်အစား ရေသောက်တယ်
ဒီလိုပါပဲ.....
မိုက်မဲစွာ ရိုကျိုးလိမ္မာနေမိတဲ့....ငါ
နင့်ကိုလွမ်းတိုင်း
ပါးညောင်း ဗိုက်ဖောင်းရတယ်။

တဖက်သက်

ကျွန်တော်....မချစ်တတ်သေးပါဘူး။
သူ့ဘက်က တုန့်ပြန်မှုကိုမျှော်လင့်မိနေတုန်း....

ကျွန်တော်....မယုံကြည်တတ်သေးပါဘူး။
သူ့ကို သဝန်တိုမိနေတုန်း....

ကျွန်တော်....မရိုးသားသေးပါဘူး။
သူမကြိုက်တဲ့စကားများ ပြောမိမှာကြောက်နေတုန်း......

ကျွန်တော်....မဖြူစင်သေးပါဘူး။
သူ့ကို ပိုင်ဆိုင်ချင်နေတုန်း.....

ကျွန်တော်....နားမလည်တတ်သေးပါဘူး။
သူ့ကို သတိရလွမ်းဆွတ်နေတုန်း.......

စိတ်ကူး

'သူမ' က.....
မြေပြင်ပေါ်က ပန်းလေးတွေကို မနှစ်သက်ဘဲ
မိုးပေါ်က ကြယ်လေးတွေကိုမှ ပန်ဆင်ချင်သတဲ့။

ကမ်းခြေ.....

ဒီကမ်းခြေလေးမှာပေါ့.....
နင် ငါ့လက်ကို ခပ်ဖွဖွလေးဆုပ်ကိုင်ထားဖူးတယ်။
ငါလည်း နင့်လက်ကိုပြန်ပြီး ဆုပ်ကိုင်ထားခဲ့တယ်။

ဒီကမ်းခြေလေးမှာပေါ့.......
နင် ငါ့ကိုချစ်တဲ့အကြောင်းတွေ ပြန်ပြောပြဖို့ ကြိုးစားဖူးတယ်။
ငါလည်း နင့်ကိုချစ်တဲ့အကြောင်းတွေ ပြန်ပြောပြချင်ခဲ့တယ်။

ဒီကမ်းခြေလေးမှာပေါ့.....
နင် ငါ့ကို ကြေကွဲတိတ်ဆိတ်တဲ့အကြည့်တွေ ပေးခဲ့ဖူးတယ်။
ငါလည်း နင့်ကို စိုစွတ်လဲ့ပြာတဲ့အကြည့်တွေဘဲ ပေးနိုင်ခဲ့တယ်။

ဒီကမ်းခြေလေးမှာပေါ့......
ငါတို့နှစ်ယောက် နှုတ်ဆက်စကားတခွန်းမှမဆိုဘဲ လမ်းခွဲခဲ့ကြတယ်။
အဲဒီ့နေ့က........
ရင်ခုန်သံတွေကလွဲပြီး အရာအားလုံး ငြိမ်သက်တိတ်ဆိတ်နေခဲ့တယ်။

ဒီကမ်းခြေလေးမှာပေါ့.......
အခုတော့လည်း....ငါတယောက်တည်း ..........
အိပ်တန်းပြန်တဲ့ငှက်တွေနဲ့အတူ ဆည်းဆာချိန်တွေကို ခံစားတတ်နေပါပြီကွယ်။

သစ်စိမ်းချိုး

'အရိပ်နေနေ အခက်ချိုးချိုး' တဲ့
ဟုတ်ပါတယ်.....
နင်လည်း........
ငါ့ရဲ့ ချစ်ရိပ်မှာနေခဲ့ပြီး
ငါ့ကို .........
သစ်စိမ်းချိုး ချိုးသွားခဲ့တာပဲလေ။

အရူးတစ်ယောက်ရဲ့ မှတ်တမ်း....

အမှန်တရားအတွက် မျက်လုံးတွေကန်းနေခဲ့တာကြာပါပြီ......
ငါ့ရဲ့ ........................
မြဲမြဲဆုပ်ကိုင်ထားတဲ့ အညတရလက်တွေထဲမှာ
အတိတ်ကအမှတ်တရတွေရှိနေလေရဲ့။

ချစ်ခဲ့ဖူးပါတယ်.....
ချစ်နေဦးမှာပါလို့.....
ရေးထားတဲ့ ငါ့ရဲ့မျှော်လင့်ချက်ကျမ်းစာမှာလည်း
နင်မမြင်နိုင်တဲ့ စိတ်ကူးယဉ်အိပ်မက်များစွာနဲ့ပေါ့။

အချိန်တွေဟောင်းသွားပေမယ့်
မေ့လို့မရတဲ့အကြောင်းအရာတွေလည်းရှိတယ်ဆိုတာ
နင့်ဓာတ်ပုံဟောင်းလေး ကြည့်မိပြီး ကျခဲ့တဲ့
ငါ့မျက်ရည်တွေက လှောင်ရယ်ပြောပြမှသိခဲ့ရတာပါ။

လွမ်းတဲ့အကြောင်းကို ထုတ်ပြောပြဖို့ ခွန်အားတွေ
ဘုရားသခင်ထံလက်ဖြန့်တောင်းရင်း
ခေါင်းငုံ့တိတ်ဆိတ်နေမိခဲ့တာ ဘယ်ဝဋ်ကြွေးတွေများကြောင့်ပါလဲ။

မြောက်လေသွေးတိုင်း မွှေးမြနေတဲ့စံပယ်ပန်းရနံ့တွေ
သတိရခြင်းတွေကို သယ်ဆောင်လာ ခဲ့လေသလား
တစ်စက်......
နှစ်စက်.............
သုံးစက်.....................
ငါ့ရဲ့ ကောင်းကင်မှာ လွမ်းမောခြင်းမိုးစက်သံတွေ ညံသွားခဲ့တယ်။

မေ့ပြစ်နိုင်ဖို့အတွက် အချိန်အတိုင်းအတာတခုလိုတယ်တဲ့....
ကြေကွဲစွာပြောနေတဲ့ မယ်ဒလင်အိုကြီးရဲ့အသံ
မဲ့ပြုံးတခုတည်းနဲ့ ရဲရင့်စွာ ငါ...တုံ့ပြန်ခဲ့တယ်။

အနက်ရောင်ပုရပိုဒ်ကိုကိုင်စောင်ထားတဲ့မာရ်နတ်ရေ....
သူပျော်ရွှင်ဖို့အတွက် ...ငါ့ကို ...ကျိန်စာခါးခါးများပေးသနားပါ။
သူချမ်းမြေ့ဖို့အတွက် ...ငါ့ကို .....ဒဏ်ရာဒဏ်ချက်များပေးသနားပါ။
ကြင်နာသူရဲ့အပြုံးလှလှတစ်ခုအတွက်....ငါ့ကို.....ရက်စက်ခြင်းများပေးသနားလှည့်ပါ။

မျက်ရည်စိုမှလှမယ်လို့ပြောခဲ့ဖူးတဲ့ ငါ့မျက်တောင်လေးတွေလည်း
အခုတော့........

ကော့ညွတ် ကွေးကိုင်း .....
အပြိုင်းပြိုင်း အရိုင်းရိုင်းနဲ့....

သူတို့...... လှချင်တိုင်း လှနေကြရပြီ။

ငါဆုတောင်းပေးနေမယ်......
ထာဝရ ပျော်ရွှင်ပါစေ.......
ထာဝရ ချမ်းမြေ့ပါစေ.......

ဒါပေမယ့်..................
ပြန်ဆုံနိုင်မယ့် တနေ့ရှိမယ်ဆိုရင်တော့......
တေလေတယောက်ရဲ့အိပ်မက်တွေအကြောင်း.......
လှောင်ရယ်နေကြတဲ့ လူတွေရဲ့အကြောင်း.......
ညို့မှိုင်းနေတဲ့ တိမ်တွေအကြောင်း........
ကြိုးပြတ်နေတဲ့ မယ်ဒလင်အိုကြီးအကြောင်း.....
............................
.............................................
.......................................................
ဒီအကြောင်းအရာတွေအားလုံးကို
နင့်ပခုံးလေးမှီပြီး ပြန်ပြောပြချင်ပါသေးတယ်။